我今年讀st joe第3年，我f.1入黎，我覺得好好，無論老師呀同學呀都唔會點鬧點衰，係f.1既時候我對呢間學校好有信心...
到左f.2老師同d學生雖然係有d 變化，但係最大既變化係個校長o係f.2...
首先講下校長係f.1既時候，其實佢係冇出現過咁滯，我f.1時完全唔知校長係邊個，到左下學期先真真正正知邊個係
好喇到左f.2，成日見到佢上台講野，但係佢上台講咩?講黎講去都係：我地學校上報紙呀~新校既進展呀~全部都係d不必要既包裝。 我想問：你有冇搞d活動真係去同學生溝通?有冇問下學生既需要?成日講黎講去都係呢d包裝野，搞到間學校就好似好好咁，但係裏面d學生呢?大部分都唔滿意間學校!
到左f.3，我真係勁不滿。
首先鞏固時段，我想問要黎做咩?留係學校做有咩用?d工作紙番屋企做又有咩問題?留係學校浪費一個鐘淨係比學生坐係到做，有咩意思?你想d學生改善，就算你用呢d手法，個學生唔係真心想做你又可以做得出d咩?完全唔明白學校個校長諗咩
第二lunch time集會：lunch time以往兩年都係打鐘就番班房啦，點解又要搞一個咁無謂既集會?唔單只係同學係夏天咁熱要受，仲要浪費多5min排隊，上埋去都冇左10min啦，大佬少數怕長計呀。如果你話d學生打鐘唔上去，咁你可唔可以用第2d方法?比如打鐘之後5min仲唔番黎咪記黑簿囉，點解要搞咁多無謂野?
第三執垃圾時段：點解要冇啦啦用多5min執垃圾呀?你話d學生污糟唔執，咁你可以叫d老師係最尾個堂提下同學執垃圾都得架姐?再唔係咪唔汁罰囉，有幾難解決呢d問題?點解要次次都5min又5min又5min?
第四早會成日鬧人：唔洗多講大家有目共睹，成日鬧人，你可唔可以同d同學低聲下氣講?點解要次次爆晒火?唔好話個學生冇面，連個老師都冇啦。學生講野係唔岩但你可唔可以用d正確d既方法呢?
篇野只係我一部份既心聲，如果講錯野大家同我講番。大家請發表你地既意見。
by f.3的同學
6 則留言:
講得好!!!
個校長朝早就叫人"tie your tie", 中午就捉人亂過馬路...
平時得閒無野做就上對面個山頭用單鏡反光機影我o地...
都唔知他想點? 食飽飯冇野做咁...
話說其實鞏固時段係今年個垃圾學生會會長諗出黎既，佢自己都認佐
就算那個「鞏固時段」真是由學生想出來，都要由老師、校長等拍板至可推行...
雖然我地GE校長有用GE野真係無咩點做過同埋太著重門面功夫,但係其實佢都唔算太差。我得知佢係DAY1第2堂果個會議到有陣時都有幫學生爭取福利,而真正決策實行果D政策GE其實另有其人
回應上面的意見，若校長是真心「幫學生爭取福利」，我表示認同。
不過校長現在以至早年如何對待老師，他與校務處的微妙關係，秘書、校務處在校內所扮演的奇妙角色，以至他看不上眼的資深老師下場，本Blog中的「觀塘聖約瑟 以晉升作脅 老師不滿校方挑剔服飾 」、琬琰工作室以及本Blog現正修復的當年資料庫中已說明一切，本Blog復站後你或會有另一番體會。
一個校長，連教職員的基本訴求、基本對待都可以漠視，更何況是去「幫學生爭取福利」呢？
學生真正的福利應是校長可善待、尊重那些敬業樂業的教職員，並制定好合適的教學政策，讓他們可以達到真正的春風化雨，而不是把學校弄到今時今日的局面。
一名已退休的老師曾說︰「良知教育而非功利的；默默耕耘者而非急功近利者」。
一個真心辦教育的人應該是利用得來不易的教育資源去教化學生，而不是把學校變成「學店」，更不是利用這些學校資源去追求功績，論功行賞，好大喜功以達到個人目的。
SJACS SECRET
我覺得第4點有d問題
今年之前我係好少聽到早會鬧人
係唔知點解班f1入左黎之後就1日鬧2次
你話d老師冇低聲下氣咩?
佢地講左4,5,6,7次都唔聽
仲點會唔鬧呀
仲有我讀左咁多年讀都未聽過要排單行
我都唔知邊個諗呢d野出黎
排完冇用仲要迫
我都唔知排黎做咩?
發佈留言